Curso de Desenvolvemento Web con Flash en Ferrol

A Confederación de Empresarios da Coruña, dentro do seu Plan de Formación Continua, vén de anunciar a impartición dun curso de Desenvolvemento Web con Flash de 50 horas de duración, que terá lugar en Ferrol.
O curso, que comeza o vindeiro 7 de maio, é de balde e vai dirixido a traballadores en activo do Réxime Xeral da Seguridade Social e do Réxime de Autónomos.
Os asistentes aprenderán, entre outras cousas, a debuxar formas en flash e a crear novas páxinas web con este programa.
Os interesados en participar deberán poñerse en contacto coa CEC a través do teléfono 902 300 981.