Continúan os cambios en Google Buzz atendendo ás queixas dos usuarios
luns, 15 de febreiro do 2010
- En breve, Gmail contará con opcións de configuración de Google Buzz
O lanzamento de
Google Buzz xerou moita polémica sobre a súa invasión á intimidade dos usuarios
ao incorporar automaticamente seguimentos aos usuarios da axenda de contactos
de Gmail e por incorporarse ao servizo de correo de Google sen autorización
expresa do usuario, entre outros detalles, pero dende Google toman nota das
queixas e reaccionan
xa por segunda vez incorporando novidades no servizo na protección da privacidade coma son a desactivación
por defecto do sistema de seguimento automático, evita a publicación accidental
de enderezos de correo electrónico de certos usuarios, permite ocultar a
listaxe de persoas seguidas, deixa de publicar en Buzz de xeito automático o
que se comparte en Picasa Web Albums e Google Reader (agás que sexan contidos
que xa sexan públicos) e incluso están a traballar na incorporación na sección
de configuración de Gmail dunha pestana destinada a Buzz dende a que poder
desactivar servizo ou evitar que as mensaxes de Buzz aparezan na nosa bandexa
de entrada sen ter que crear filtros especÃficos para tal fin.
Dende Google tamén aseguran que van continuar a mellorar Buzz nos vindeiros
dÃas, permanecendo atentos ás suxestións dos usuarios, no que promete ser unha
plataforma de comunicación de moito peso que, pese a non competir directamente
con outros servizos para establecer redes sociais, poderÃa afectar seriamente
ao seu crecemento futuro e incluso cómpre ter en consideración que actualmente
xa supera en usuarios a Twitter.