Conector Startup Accelerator abre sede en Galicia
martes, 15 de novembro do 2016
Conector Startup Accelerator, a aceleradora especializada en
startups en fase semente, despois de Cataluña e Madrid, abre
sede en Galicia, terceira Comunidade onde a aceleradora abre oficinas físicas
co obxectivo de levar a cabo programas horizontais, verticais e alianzas con
empresas para impulsar aceleracións corporativas.
Polo seu amplo coñecemento do ecosistema dixital galego, Lalo García será o firector de
Conector Galicia, liderando os programas de aceleración, así como as relacións
institucionais e corporativas. García é fundador de Lancetalent, Knowledge
Investors, Xebook; colaborador de Redinvest CFV, ViaGalicia e Laconnetwork; e
embaixador de Foundum para Galicia.
A aceleradora apostou por Galicia polo seu crecente tecido
emprendedor, motivado en gran parte por recoñecidos emprendedores e
investidores como son Aquilino Pena (Kibo Ventures), Carlos Blanco (Encomenda
VC), Telmo Pérez (Acciona), Sixto Arias (BeMobile), Rubén Ferreiro (Grupo
Viko), Javier Cebrián (Bonsai VC), Javier Santiso (Mundi Ventures), Beatriz
González (Seaya) e José del Barrio (Samaipata Ventures), entre outros.
Na súa traxectoria dende 2013 Conector leva promovido proxectos de emprendemento dixital bastante diversos, mobilizando a máis de 150 mentores e máis de 15 millóns de euros en investimento e acelerado 86 startups.
Conector Galicia anunciará proximamente a primeira
convocatoria na Comunidade que convivirá cos programas de Barcelona, Madrid e as
aceleradoras corporativas. A sede da iniciativa, segundo nos contan os responsábeis da mesma, estará emprazada en Vigo.
En palabras de Elisabeth Martínez, co-fundadora e directora executiva de Conector, Galicia “ten un tecido industrial moi potente con amplo potencial de dixitalización e estamos seguros de que moi axiña coñeceremos proxectos altamente prometedores”. Segundo engade, dende a aceleradora hai unha plena confianza nas posibilidades da nosa terra en materia de vangarda tecnolóxica e innovadora. “Grazas ao traballo do noso equipo e o liderado de Lalo, Conector converterase de contado nun referente para os emprendedores galegos”.
Vídeo promocional de Conector Startup Accelerator