Concedidos os premios aos proxectos fin de carreira con software libre de Igalia
venres, 3 de decembro do 2010
A Aula de Graos da Facultade de
Informática da UDC, deu acollida recentemente á entrega do IV premio ao mellor
proxecto de fin de carreira con software libre, organizado por Igalia en
colaboración con Mancomún e as tres universidades galegas.
O gañador deste concurso, que contaba
co patrocinio de CENATIC, foi Diego Darriba López co seu proxecto ProtTest-HPC: unha Aplicación Distribuida de
Altas Prestacións para a Selección de Modelos de Evolución de Proteínas.
O xurado do evento tomou a ben conceder
un Accésit (con unha dotación de
500€) a Alberto Silva López polo seu proxecto Servizo xerador de escenas 3D a partires de provedores de datos OGC.
Asemade, e debido á calidade do
proxecto presentado, tamén se acordou conceder unha mención de honra ao
proxecto de Álvaro de Vega Díaz, Diseño,
implementación y prueba de una librería para el tratamiento paralelo de un
contenedor de datos.
