Compostela participa nun proxecto europeo para impulsar o seu proxecto smart
xoves, 10 de marzo do 2016
A
pasada semana a cidade francesa de Lyon servía de centro de reunión
do proxecto europeo Smarter Together,
unha proposta que persegue unha mellora da calidade de vida nas
cidades, achegando para iso solucións que atinxen a diversos
aspectos cotiás da vida urbana mediante a integracións das chamadas
smart technologies
ou tecnoloxías intelixentes. Emporiso, cómpre subliñar que
Santiago
de Compostela é socia do proxecto como cidade seguidora (follower),
xunto con Venecia e Sofía. Así, Compostela asistiu ao encontro
marcado en Lyon, unha das tres cidades
faro (ligthhouse
cities), xunto a Múnic e Viena, que
lideran o proxecto e onde se porán en marcha ao longo de cinco anos
diversas accións segundo áreas temáticas concretas.
Á
cidade francesa desprazouse o concelleiro de Espazos Cidadáns,
Dereito á Vivenda e Mobilidade, Jorge Duarte, e o técnico
responsábel do proxecto na Fundación
Empresa-Universidade Galega (FEUGA), entidade colaboradora no
mesmo.
Volvendo
ao proxecto Smarter Together,
dicir que está dotado con 29 millóns de euros, financiados polo
programa Horizonte
2020 da Comisión Europea, que ten como finalidade actuar sobre
tres problemáticas fundamentais: o uso da enerxía en equipamentos
urbanos, a mobilidade e a produción de enerxías alternativas, os
tres alicerces sobre os que repousa o concepto
de Cidade
Intelixente.
Dende
o 1 de febreiro, Lyon, Múnic e Viena (como cidades lighthouse)
pasaron a converterse en escenarios de experimentación da chamada
Smart City
a escala europea. Amais destas cidades followers,
o proxecto tamén atende á figura de cidades observadoras
de fóra da Unión Europea: Kiev e
Yokohama.
Compostela, como socia do proxecto e cidade follower,
terá a oportunidade de participar para mellorar o deseño da súa
propia estratexia de cidade en cinco áreas concretas: sistemas de
calefacción de barrio e enerxías renovábeis, rehabilitación
enerxética global de equipamentos urbanos, plataformas de datos e
servizos intelixentes, laboratorios urbanos para a participación
cidadá e solucións de mobilidade para unha mobilidade sostíbel.