Compostela e Ourense analizarán o uso dos drons nunha xornada
mércores, 16 de setembro do 2015
Os
vindeiros días 17 e 18 de setembro Compostela
e Ourense acollerán unha xornada titulada: Lexislación
e oportunidades do uso dos drons,
unha cita que servirá para achegarse ao marco xurídico
e outros aspectos que rodean a estes vehículos aéreos non
tripulados. Que é
un dron?
Pois como acabamos de dicir, trátase dun vehículo
aéreo non tripulado (VANT), UAV (Unmanned Aircraft Vehicle),
isto é, unha aeronave que voa sen tripulación, ou dito doutro
xeito, un vehículo sen tripulación reutilizábel, capaz de manter
un nivel de voo controlado e sostido, sendo propulsado por un motor
de explosión ou de reacción.
Volvendo á xornada,
cómpre dicir que en Santiago se celebrará o día 17 de setembro con
horario de 16.00h a 20.00h no salón
de actos
do Colexio de Avogados. No caso de Ourense, a xuntanza
levarase a cabo o día 18 de setembro no
salón
de actos
da Escola Superior de Enxeñaría Informática da Universidade de
Vigo (no campus ourensán) de 9.45h a 14.00h.
Detrás
da organización deste evento atópanse: o CPEIG (Colexio Profesional
de Enxeñaría en Informática de Galicia), a Universidade de Vigo e
os Colexios de Avogados de Ourense e Vigo co apoio da empresa
RKDrones e a colaboración da Axencia Estatal de Seguridade Aérea.
Engadir
que a inscrición á xornada é de balde. Aquelas persoas interesadas
poden consultar as seguintes páxinas para se inscribiren:
dronesOurense.eventbrite.es
e dronesSantiago.eventbrite.es.
Programa Compostela
- 16.00: Presentación da xornada a cargo do decano do Colexio de Avogados de Santiago de Compostela e o presidente do CPEIG.
- 16.15: Drons de Seguridade Aérea. Marco Regulador. Laura López Sanz, da Axencia Estatal de Seguridade Aérea.
- 17.15: Pausa-café.
- 17.45: Responsabilidade civil dos operadores de RPA’’s e o seu aseguramento obrigatorio. María Jesús Guerrero Lebrón, da Universidade Pablo Olavide.
- 18.45: Drons para todos. Ámbitos de Aplicación. Representante da empresa RKDrone.
- 19.15: Mesa redonda.
- 20.00: Peche da xornada.
Programa Ourense
- 09.45: Presentación da xornada a cargo do decano do Colexio de Avogados de Ourense e o presidente do CPEIG.
- 10.00: Drons de Seguridade Aérea. Marco Regulador. Laura López Sanz, da Axencia Estatal de Seguridade Aérea.
- 11.00: Pausa-café.
- 11.30: Responsabilidade civil dos operadores de RPA’’s e o seu aseguramento obrigatorio. María Jesús Guerrero Lebrón, da Universidade Pablo Olavide.
- 12.30: Drons para todos. Ámbitos de Aplicación. Representante da empresa RKDrone.
- 13.15: Mesa redonda.
- 14.00: Peche da xornada.