Como levar a cabo unha axeitada dixitalización, este xoves na Cámara de Santiago
martes, 6 de xuño do 2023
A
Cámara de Comercio de Santiago ofrécenos esta semana (o xoves 8 en
formato exclusivamente presencial) unha nova oportunidade formativa
para avanzarmos en transformación: a xornada Como
dixitalizar unha empresa e non morrer no intento. A
finalidade deste obradoiro é facilitar o proceso de transformación
nas pemes da contorna compostelá e, tamén, poñer o foco nas
grandes vantaxes destes procesos, que abren grandes oportunidades ás
empresas, sobre todo en medre de ingresos, aforro de custes, melloras
en calidade ou competitividade.
A
xornada virá da man de Socios Digitales, na que empresas
tecnolóxicas e consultoras con experiencia en diferentes sectores,
poñen o foco nas situacións reais que implica o proceso de
transformación dixital, e como abordalas con éxito.
A
sesión inclúe tamén unha paréntese práctica para facer
networking de calidade con empresas do ámbito da área de
Santiago e Barbanza.
Vai
destinada a empresarios, responsábeis IT das empresa, directores
xerais, xerentes, CEO (directores executivos), directores
financeiros, comerciais e de produción, asesorÃas ou consultoras.
A
cita será como dixemos este xoves 8 de xuño, en horario de 10.00 a
12.00 horas, na sede da Cámara de Santiago (rúa República Checa
40, 15707 - Santiago de Compostela).
Tocaranse
temas como os retos e obxectivos da transformación dixital, os pasos
que dar na integración da mercadotecnia en liña na nosa empresa, a
dixitalización industrial (xestión de persoas e procesos,
dixitalización da xestión de tempos e materiais, casos de éxito),
a ciberseguridade e as solucións na nube.
Relatores:
Hugo Fraga, Rafa Villaverde, Anxo Mourelle, Roberto Alonso.
A
actividade está financiada pola Unión Europea-Next Generation EU no
marco do Plan de Recuperación, Transformación e Resiliencia.