Comasis organiza unha xornada para quitar ferro nas empresas aos cambios dixitais
martes, 1 de decembro do 2015
A empresa galega Comasis,
especializada en xestión do coñecemento e deseño de aplicacións e
redes sociais, celebra este xoves na Sala Marcos Valcárcel da sede
da Deputación de Ourense a
xornada Transformación Dixital, un encontro destinado
principalmente a favorecer un meirande clima de receptividade
tecnolóxica entre as nosas empresas. Ou sexa, que se dirixe a
quitarlle ferro ás TIC e amosar as vantaxes destas ferramentas para
os nosos sectores (melloras na organización documental, novas canles
de negocio ou melloras na comunicación co cliente e no seu
mantemento no tempo). Na xornada participarán expertos en
consultorÃa TIC, desenvolvedores e empresarios de éxito do sector
dixital amosando as súas experiencias.
Nerea MÃguez,
responsábel de partner & solution sales en Vodafone, será
a encargada de abrir o primeiro panel. Logo virá a quenda de Elicio
Benito, director rexional en Galicia de Atos, seguido de Bernardo
Viqueira, consultor de Seguridade en Inprosec. Logo da pausa para o
café retomarán a sesión de relatorios Jesús Fraga, director de
Sector System, Luis Calvo, director executivo d Comasis, e Antonio
Urbano, director de Solucións Documentais en Din. Os casos de éxito
amosados serán Atrevia Galicia e a corredurÃa de seguros Artai.