Coinscrap, Premio Novo Emprendedor 2016
venres, 16 de decembro do 2016
O
proxecto galego Coinscrap, do que
falamos
recentemente para dar conta do seu recoñecemento na terceira edición
de Galicia Open Future (o centro de crowdworking de
Telefónica e AMTEGA na Cidade da Cultura), vén de obter outra
importante distinción que confirma (aÃnda máis) a súa imparábel
carreira cara aos mercados tecnolóxicos galego, estatal e
internacional. Trátase
do Premio Novo Emprendedor 2016, entregado onte por AJE Vigo, que
quixo salientar con este recoñecemento as importantes vantaxes que
pon en xogo Coinscrap de cara ao consumidor (trátase dunha
aplicación que redondea cada compra realizada con cartón de débito
ou de crédito, pasando a diferenza entre a compra e o redondeo a
unha conta de aforro do usuario).
Xunto
con este galardón entregado a David Conde, principal impulsor de
Coinscrap, a asociación AJE Vigo tamén concedeu o Premio Novo
Empresario a EstefanÃa Francos, responsábel de Sémola,
firma posta en marcha en 2010 e adicada á elaboración e venda de
pan e noces. Estes galardóns, que van pola súa décimo primeira
edición, dirÃxense todos os anos a visualizar e distinguir o
traballo innovador da nosa mocidade emprendedora.
Coinscrap,
en base ao devandito premio, recibirá formación na Escola de
Negocios AFundación de IESIDE (valorada en 1.000 euros), un ano de
aloxamento e asesorÃa no Viveiro de Empresas de Zona Franca de Vigo
e un móbil de última xeración.
Sémola
recibirá un premio en metálico de 1.000 euros e outro en formación
na Escola de Negocios Afundación de IESIDE, valorado tamén en 1.000
euros, ademais dun acceso á base de datos de Ardán durante un ano.
Dentro
da categorÃa Mellor Empresario repartÃronse tres accésits. O de
Calidade foi para ClÃnica Dental Xiana Pousa, con dous centros
dentais (en Vigo e Pontevedra) e 15 empregados (recolleu a distinción
a propia Xiana Pousa). O accésit de Innovación (que recolleu LucÃa
Méndez) foi para Rysia, empresa especializada en fabricar impresoras
3D de marca propia (amais de achegar formación en tecnoloxÃa 3D
para particulares e empresas, ofrecendo a maiores un servizo de
reparación e mantemento de sistemas informáticos). O terceiro
accésit, o de Responsabilidade Social Empresarial foi outorgado a
Carrick, empresa de comercio electrónico que nace en 2014 e que
desde os seus inicios doa unha parte das súas vendas ao banco de
alimentos de Vigo. Carrick deseña, fabrica e vende pulseiras con
cabo náutico. Recolleu o galardón Brais Comesaña, un dos socios
fundadores.
O
acto de entrega de galardóns, ao que asistiron máis dun centenar de
convidados, celebrouse na sede de AFundación de Vigo e contou coa
presenza da presidenta da Deputación de Pontevedra, Carmela Silva; a
delegada do Consorcio de Zona Franca de Vigo, Teresa Pedrosa; o
concelleiro de Seguridade e Mobilidade, Carlos López Font; a
director da área de Competitividade do IGAPE, Norberto Penedo e o
presidente de AJE Vigo, Alejandro Cabo.
