Cinco millóns de euros para habilitar redes ultrarrápidas en 81 polígonos máis
xoves, 7 de xullo do 2016
O
acceso avanzado á Rede é un pulo extra para a produtividade
industrial. De feito, nos nosos tempos xa apenas se concibe o segundo
sen o primeiro. En base a isto, o Goberno galego vén de anunciar un
investimento de 5 millóns de euros para estender redes ultrarrápidas
en 81 polígonos industrias máis dos
anunciados os meses pasados. Segundo informou a Xunta, esta
nova actuación supón abranguer o 79% dos polígonos galegos, que
concentran case o 93% da superficie empresarial ocupada. Estas
medidas foron dadas a coñecer polo presidente do Executivo galego,
Alberto Núñez Feióo, tralo seu acordo no Consello.
Segundo
fixo saber, a Xunta investirá 3,4 millóns de euros para que o
operador correspondente despregue redes ultrarrápidas naquelas
superficies industriais que non contan con cobertura nin previsión
de dispoñer deste servizo. Este investimento, dixo, mobilizará en
total 5,2 millóns de euros e estenderase durante o período
2016-2018.
O
presidente tamén concretou que a oferta do operador que se impuxo na
convocatoria publicada o pasado mes de abril permitirá garantir o
acceso a este tipo de redes en 81 polígonos industriais.
A
previsión, engadiu, é iniciar os despregamentos este ano en 17
polígonos; en 2017, noutros 30; e en 2018, nos 34 restantes. Segundo
engadiu, o resto de complexos industriais cubriranse nas seguintes
actuacións previstas no Plan de Banda Larga, que se estende ata
2020. Feijóo sinalou que os 81 polígonos obxectivo desta actuación
“terán acceso a este tipo de redes a través de fibra óptica
cunhas velocidades mesmo superiores de ata 350 Mbps de baixada e 35
de suba, e cunha garantía de caudal do 80% sen límite de
descargas”.