Chegan á súa sétima edición os Premios Emprendedor XXI
martes, 26 de marzo do 2013
- Cludeen, Menús.es e PéZcalo foron recoñecidas na última edición do concurso na súa edición galega
Os Premios
Emprendedor XXI, que como lembraremos recoñeceron o ano pasado a
innovación e as posibilidades do servizo galego Menus.es,
xa van pola súa sétima edición. O certame, que a nivel estatal vén
da man de La Caixa e ENISA (Empresa Nacional de Innovación) conta co
Instituto Galego de Promoción Económica (IGAPE) como entidade
organizadora na nosa terra. O obxectivo deste concurso é
identificar, recoñecer e acompañar ás empresas innovadoras de
recente creación con maior potencial de medre no Estado español e
nas súas Comunidades.
O concurso conta con dúas
categorÃas. Por unha banda Emprendes, dirixida a empresas que
iniciasen a súa actividade a partir do 1 de xaneiro de 2010 (dotada
cun premio económico de 5.000 euros na fase autonómica e de 20.000
na fase estatal) e pola outra Creces, encamiñada a firmas de
entre dúas e sete anos de vida, subdividida á súa vez en tres
subcategorÃas (Ciencias da Vida, Industrial e Tecnolóxica).
A dotación nesta modalidade é de 50.000 euros, a recibir cada un
dos gañadores de cada subcategorÃa. Os 24 proxectos seleccionados
nesta segunda categorÃa terán ademais dereito a formación
especializada e acceso preferente a financiamento. Respecto aos
prazos, dicir que o dÃa 21 de abril de 2013 remata o prazo de
presentación de candidaturas á categorÃa Emprende, mentres
que o prazo para presentarse á segunda ficará aberto até o 20 de
maio de 2013. Os interesados en participar dende a nosa terra poden
obter máis información na
páxina dos premios e resolver dúbidas a través do IGAPE, na
dirección o correo-e rvr@igape.es ou chamando ao número de teléfono
981 547 226.
Como lembraremos, na
pasada edición destes recoñecementos, a galega Menus.es, nacida no
viveiro de empresas da Fundación CEL de Lugo, recibiu
o Premio Emprendedor XXI na súa edición autonómica, tras
presentarse na categorÃa Emprendes. Menus.es é unha
plataforma que ofrece información actualizada diariamente de menús
e cupóns de desconto de establecementos de hostalarÃa
xeolocalizados por toda España. Grazas a este recoñecemento a
compañÃa recibiu unha achega de 5.000 euros.