Chega ao iPad un novo cómic español
luns, 17 de xaneiro do 2011
Mentres na pasada
edición do Saló del Cómic de
Barcelona anunciábase
con moito rebumbio unha tenda española de cómic dixital chamada KOOMIC, que
estaría dispoñible para distintas plataformas (comezando polo iPad) e que está
a acumular un importante retraso no seu lanzamento, os autores locais buscan
métodos máis directo de achegar os seus contidos á plataforma de Apple, de aí
que a pasada fin de semana a App Store recibise unha aplicación
para iPad que acolle un cómic de 64 páxinas a un prezo de 0,79 euros que
leva por título Ibéroes: La Guerra de las
Rosas, e do que tamén está dispoñible un avance de 16 páxinas con parte da
primeira aventura e fichas dos personaxes máis importantes que pode
descargarse de balde.
Ibéroes é unha obra de Íñigo Aguirre e Javier
Tartaglia que editouse
en papel no mes de decembro a un prezo de 4,95 euros, polo que resulta prometedor
que a súa edición dixital teña un prezo considerablemente inferior, en vez da
típica rebaixa dun 20% que intentan impor dende o mundo editorial.
Esta aplicación para iPad é
bastante rudimentaria e non parece o método máis axeitado de distribuír
comics (plataformas como as desenvolvidas por ComiXology estarían máis
atinadas), pero constitúe un interesante experimento do que o sector poderá
aprender, aínda que entendemos que o principal motivo para esta edición dixital
é a promoción dos seus autores.
Trailer do cómic Ibéroes