Chega a versión 10.5.7 de Mac OS X

O usuarios de Mac OS X xa poden actualizar o seu sistema operativo á versión 10.5.7, revisión centrada na mellora de compatibilidade e estabilidade do sistema, que apenas incorpora novidades.
A actualización inclúe as últimas correccións de seguridade, maior compatibilidade con imaxes RAW de cámaras dixitais, mellor rendemento na reprodución de vídeo e dos movementos do cursor nas gráficas nVIDIA máis recentes, soluciona un problema coa distribución do teclado DVORAK en Mac OS X 10.5.6, resolve a situación que podería causar problemas ao iniciar sesión en Gmail, sincroniza mellor os contactos con Yahoo!, incorpora melloras no tratamento de ficheiros en rede, gaña fiabilidade na sincronización automática de calendarios con MobileMe, resolve problemas de fiabilidade e sincronización con Notas, soluciona un problema que fai que algunhas impresoras utilicen a bandexa de papel equivocada e outros detalles que farán a vida máis doada aos maqueiros.