César Alierta abandona a presidencia executiva de Telefónica
martes, 29 de marzo do 2016
O presidente executivo de Telefónica, César
Alierta, anunciou hoxe o cesamento no seu cargo á vez que recomendou para o
mesmo a José María Álvarez-Pallete, proposta que estudiarase por parte do
Consello de Administración da compañía o vindeiro 8 de abril. Alierta levaba
preto de 16 anos no seu cargo, e continuará formando parte do Consello de
Administración (no que leva 20 anos), centrándose tamén en temas sociais
como a presidencia executiva da
Fundación Telefónica.
O proposto sucesor de Alierta, José María Álvarez-Pallete, ocupa dende 2012 o
cargo de conselleiro delegado, posto que deixaría de asumir a presidencia
executiva o vindeiro 8 de abril. Este licenciado en Ciencias Económicas nacido
en 1963 incorporouse a Telefónica como director xeral de Finanzas en Telefónica
Internacional cando só tiña 35 anos de idade, e foi prosperando a través de
distintos postos de responsabilidade que o levaron ao Consello de
Administración en xullo de 2006. A súa traxectoria leva a que Alierta asegure
que é o directivo máis preparado para afrontar con éxito os retos que impón a
revolución dixital á que ten que face fronte a compañía de telecomunicacións de
referencia en España no sector dixital.