Carphone Warehouse podería ser chave nas negociacións para a comercialización do iPhone en Europa

Segundo as informacións publicadas polo The Daily Telegraph, a empresa británica Carphone Warehouse (coñecida en España baixo a marca The Phone House) podería ser chave nas negociacións para a comercialización do iPhone en Europa (onde é o principal minorista de telefonía móbil).
Os rumores continúan a situar a data de lanzamento en Europa do teléfono móbil de Apple no 1 de novembro (o que permitiría aproveitar o campaña de Nadal) e continúa sen coñecerse cal será o mapa final da comercialización europea do terminal telefónico máis agardado da historia.