Caixanova convoca un amplo programa de cursos de novas tecnoloxías en Compostela
martes, 6 de abril do 2010
A Área de Novas Tecnoloxías de Caixanova, encargada de
difundir as TIC na sociedade en xeral e entre os seus clientes en particular,
vai iniciar proximamente as súas actividades de formación en novas tecnoloxías
no Centro Social que a entidade financieira ten habilitado en Santiago de
Compostela, un centro do que falamos con motivo da súa creación en Código Cero
e que tén como finalidade dinamizar o corazón da cidade antiga e potenciar as
canles dixitais entre a poboación compostelá.
Para isto, a entidade elaborou un amplo programa de cursos
que comezarán a mediados deste mes de abril, e que se prolongarán ata o mes de
xullo.
A oferta formativa inclúe cursos multimedia de fotografía
dixital, retoque fotográfico e edición básica de vídeo, ademais de tres
seminarios, eminentemente prácticos, dirixidos a profesionais da fotografía,
nos que se abordarán as técnicas básicas de iluminación, a iluminación de
retratos e a iluminación de produtos.
Asemade, no programa destacan os Obradoiros tecnolóxicos senior, que teñen como finalidade achegar
as novas tecnoloxías ao colectivo de xente maior do noso país.
As persoas interesadas en asistir a calquera destas
actividades formativas xa poden realizar a súa inscrición a través da web www.servinova.com
ou por teléfono a través do 902 504 500 ata completar o número de prazas
previstas.
Asemade, a mesma entidade vén de convocar a primeira
edición dos Mércores Tecnolóxicos, en
Santiago de Compostela, un obradoiro de balde de dúas horas de duración que se
celebrará tódalas semanas e que busca formar, dar solucións e cubrir as
necesidades que poidan ter os distintos tipos de usuarios, independentemente dos
seus coñecementos informáticos.
Neste caso a matrícula é de balde e debe realizarse
enchendo un formulario de inscrición dispoñible na web da Obra Social Caixanova ou
chamando ao 986 120 083. Os obradoiros levaranse a cabo no Centro Social
Caixanova da Praza de Cervantes todos os mércores entre o 14 de abril e o 7 de
xullo, en horario de 17:30 a 19:30 horas.
PROGRAMA DE
ACTIVIDADES
CURSOS MULTIMEDIA
Fotografía Dixital I (10 horas)
Fotografía Dixital II (10 horas)
Retoque Fotográfico I (10 horas)
Retoque Fotográfico II (20 horas)
Edición Básica de Video
(10 horas)
OBRADOIROS DE FOTOGRAFÍA PARA PROFESIONAIS
Técnicas básicas de iluminación (12 horas)
Iluminación de retratos (8 horas)
Iluminación de producto (8 horas)
OBRADOIROS TECNOLÓXICOS SENIOR
Procesador de textos E correo electrónico (8 horas)
Fotos E videos online
(8 horas)
Comunicarse a través de internet (8 horas)
Redes sociais (8 horas)
Crear un espazo propio en Internet (8 horas)
MÉRCOLES TECNOLÓXICOS
Como organizar os teus arquivos e carpetas nun ordenador?
Como organizar as túas imaxes dixitais?
Buscar, descargar e instalar programas
Creación e organización dunha conta de correo electrónico
Redes sociais en Internet
Comparte os teus vídeos en Youtube
Facebook “Comunicar e compartir na Rede”
Búsqueda de emprego en Internet utilizando os servizos de
Infojobs
Crear un blog de balde con Blogger
Compra e vende de forma segura a través de eBay
Fala gratis con outras persoas utilizando Internet
Aplicacións prácticas de Google Maps
Crear un catálogo de libros en Internet