Buydeal, recoñecida co Premio Manuel Beiras pola súa aposta polo galego
xoves, 12 de decembro do 2013
Este
xoves a Cámara
de Comercio
de Santiago
celebra
a
entrega de galardóns da XIV edición do Premio
Manuel Beiras,
un certame que quere recoñecer o esforzo que realizan as empresas e
institucións do municipio no proceso de normalización do uso da
lingua galega. Así
pois, a Cámara de Comercio e o Concello de Santiago resolveron os
galardóns desta edición,
á que se presentaron arredor de 50 candidaturas, resultando
vencedoras: a empresa de comercio on-line Buydeal -da que xa falamos en Código
Cero-
que recibiu a distinción dentro da categoría de
Incorporación
ao uso do galego.
Lembrar
que Buydeal
é unha plataforma de promoción do comercio galego que emprega o
márketing
local para o comercio de proximidade, aumentando a visibilidade, indo
á procura de novos clientes de xeito inmediato, sen adiantos nin
custos fixos. Baixo o lema Tes
plans para hoxe?,
a empresa trata de difundir os produtos e servizos dos seus
anunciantes a través das canles propias e da súa colaboración co
grupo El
Progreso.
Está dirixida polos emprendedores Jacobo Chouza e Ángela Rodríguez.
En 2011 foron a empresa gañadora do mellor proxecto de negocio
on-line
dos Premios Eganet e en 2012 recibiron o premio ao mellor
desenvolvemento 2.0 do premio Innova-G. O xurado salientou o seu
carácter “dinámico, innovador, imaxinativo, divertido e cunha
forte capacidade de interacción co usuario”, amais de incidir no
valor engadido que ten a lingua galega en portais web de tan intensa
proxección comercial en termos de impacto e visualización.
Na
categoría de
Uso
continuado da lingua galega,
alzouse co galardón a empresa Pedra
Salgada,
un negocio de limpeza e xardinería creado en 2005. Os seus
responsables e socios son Elías Rozas, José Ángel González e
Antonio Calviño. Asemade, estes empresarios composteláns contan
nova idea empresarial, Nadal
Verde,
onde alugan árbores naturais para Nadal.
E
a Distinción especial recaeu no escritor, director e
profesor de Lingua Galega e Literatura do Instituto Xelmírez I de
Santiago, Manuel Portas Fernández, afincado en Santiago de
Compostela. Os membros do xurado acordaron entregarlle esta
distinción por ser súa a idea creadora do propio premio Manuel
Beiras, desde o seu impulso até a súa consolidación actual
como referente no espallamento social da lingua galega.