Buscan emblema para o futuro Firefox Mobile
venres, 4 de setembro do 2009
Dende a Fundación
Mozilla están a ultimar o lanzamento definitivo da versión móbil do navegador
Mozilla, polo que mentres continúan a traballar no proxecto Fennec instan aos
seus seareiros a participar no reto Firefox Goes Mobile, a través do que pretenden que saia
o emblema oficial do Firefox Mobile, que poderán aparecer nas páxinas web de
Mozilla, en camisetas, adhesivos e moitos outros soportes, polo que é unha
ocasión ideal para que os deseñadores realicen unha obra de grande difusión.
Os
interesados poden remitir as súas achegas ata o 30 de setembro, de
xeito que ata o 7 de outubro poderá votarse polas obras presentadas.