Brión convoca un curso de Internet Explorer
mércores, 9 de febreiro do 2011
O Concello de
Brión, un dos concellos galegos que máis teima pon na inclusión das TIC no seu
entorno (apostando, entre outras cousas, pola formación tecnolóxica dos seus
veciños e veciñas), vén de convocar un novo curso dirixido a que a veciñanza
integre Internet na súa vida cotiá, para o que precisa formación nas
ferramentas axeitadas.
O curso é de
Internet Explorer, e vai dirixido a todos aqueles veciños e veciñas que desexen
aprender a manexar con soltura este navegador e que teñan coñecementos previos
no manexo do Windows. As clases terán lugar no telecentro de comunicacións da
vila coruñesa os luns, mércores e venres entre o 28 de marzo e o 18 de abril,
ata completar un total de 20 horas lectivas.
O prazo de
inscrición estará aberto ata o vindeiro luns, 28 de febreiro, e para
inscribirse, as persoas interesadas deberán achegarse á Casa da Cultura
persoalmente ou chamar ao teléfono 981 509 908. A cota
de inscrición é de 30 euros e o alumno ou alumna poderá escoller entre o
horario de mañá (de 10:30 a 12:30 horas) ou de tarde (de 20:00 a 22:00 horas).