Boiro, Foz, O Barco e Vigo acollen este martes unha xornada sobre os requerimentos das estacións base de radiocomunicación
martes, 11 de outubro do 2011
As aulas CeMIT de Boiro, Foz, O Barco de
Valdeorras e Vigo dan acubillo este martes 11 a unha xornada formativa destinada aos técnicos
municipais e responsables dos gobernos locais con competencias en materia de
urbanismo e novas tecnoloxÃas. Na xuntanza, que vén da man do Colexio Oficial
de Enxeñeiros de Telecomunicación de Galicia (COETG) e a SecretarÃa Xeral de
Modernización, están a participar 41 profesionais de 28 concellos da catro
provincias galegas. A finalidade deste evento, que se insire nunha estratexia
formativa destinada a técnicos dos 315 concellos galegos, é achegar coñecemento
para a tramitación das licenzas municipais na instalación de estacións base de
radiocomunicación, tanto no relativo ás urbanÃsticas como ás de nova apertura
ou funcionamento.
Segundo
informa Modernización, serán 20 as xornadas formativas que se insiren na
colaboración entre o departamento da Xunta e o COETG, repartidas por toda a
Comunidade galega e a celebrar nas aulas dos concellos
pertencentes á rede de Centros para a Modernización e Inclusión Tecnolóxica da
Xunta (CeMIT). As xornadas comezaron en setembro e desenvolveranse polo resto da
Comunidade ata o 25 de outubro. A duración de cada un dos cursos é de catro
horas en horario de catro a oito da tarde e estarán dirixidos por Enxeñeiros de
Telecomunicación con gran experiencia neste campo e pertencentes ao COETG.
Nas clases explÃcanse as distintas
disciplinas implicadas na tramitación de licenzas municipais para a instalación
de antenas, dende a normativa vixente en materia de telecomunicacións ou
ambiental, a aplicación do Código de boas prácticas e ordenanza tipo aprobada
pola Comisión Sectorial para o Despregue de Infraestruturas de
Radiocomunicación (CSDIR) ata aspectos relativos á seguridade e saúde asà como
as diferentes tecnoloxÃas dispoñibles na actualidade.