Boa parte da Internet falla por mor dunha incidencia nun CDN

Durante esta mañá numerosas páxinas web como Spotify, Twitch, HBO Max, PayPal, Vimeo, Shopify, Stripe, The Guardian, The New York Times, Financial Times ou a BBC experimentaron problemas de carga que finalmente identificouse como un fallo en Fastly, un provedor dun servizo de aceleración de carga de páxinas web mediante a súa distribución a través de servidores por todo o mundo (CDN).
Dende Fastly deron conta da incidencia ás 11:58 horas e identificaron o problema e corrixírono ás 12:44 horas, polo que o fallo de conexión das distintas páxinas web e servizos non foi moi longo, aínda que si moi preocupante polo feito de afectar a tantos servizos á vez cando precisamente a función de Fastly é evitar as caídas e saturacións.