Blavox nace para popularizar os audiolibros en España
martes, 28 de febreiro do 2017
En
2008 chegou
a España a plataforma de impresión baixo demanda Bubok, que facilita que
cada autor poida editar os seus libros en formato fÃsico sen ter que realizar
grandes tiraxes, e incluso podendo vender exemplares soltos (ou incluso copias
en formato dixital) o que resulta moi axeitado tanto para novas obras de
autores independentes como para tÃtulos descatalogados, e agora o seu fundador,
Sergio MejÃas, xunto coa directora editorial Natalia Rubio e o conselleiro delegado
José Luis Delgado, botan a andar Blavox, un
proxecto que quere impulsar a creación e difusión de audiolibros coa convicción
de que este formato cada vez ten unha maior demanda.
Blavox brinda a calquera autor as ferramentas e servizos necesarios para crear
e comercializar os seus propios audiolibros como podcast ou arquivo
descargable, buscando asà que os lectores poidan contar cunha fórmula
alternativa para gozar da lectura cando están a realizar outras actividades.
Os autores que queiran converter os seus libros a audio contarán con servizos
de locución profesional, servizos de conversión de texto a voz... e poderán comercializar
os seus audiolibros en varios formatos (MP3, RSS...), fixar o prezo de venda e
obter o 80% dos beneficios.
Os autores tamén poden subir ao sistema as súas creacións de audio en formato
MP3 sen custo, no caso de que queiran ter un maior control sobre o produto
final, e só terán que achegar unha descrición da obra, unha portada e fixar o
formato de comercialización e o prezo para comezar a vender a súa obra (ou
incluso ofrecela de balde).
Polo momento o catálogo de Blavox
é moi reducido, con 5 audiolibros en inglés e 17 en español, todos de balde (por
ser clásicos literarios), coa clara intención de que tanto lectores como
autores se acheguen a este formato de tan boa acollida nos EE.UU. e que en
Europa aÃnda non conseguiu callar.