Bixby permitirá responder chamadas mediante mensaxes de texto

Aínda que o asistente de voz de Samsung, Bixby, parecía ter quedado atrás, dende a compañía surcoreana anuncian unha nova funcionalidade que agora chega para os falantes de inglés chamada Bixby Text Call, que permite responder chamadas escribindo unha mensaxe que o asistente converte en voz para comunicarse directamente coa persoa que chama.
Os usuarios tamén poden personalizar a voz desta nova funcionalidade, gravando diferentes frases para que Bixby analice a voz e cree unha copia da mesma mediante intelixencia artificial. Está previsto que esta voz xerada poida utilizarse noutras aplicacións de Samsung que vaian máis aló de chamadas de teléfono.