Bambú Producciones inicia a rodaxe da súa terceira serie para Netflix: Jaguar
xoves, 27 de agosto do 2020
A
produtora galega Bambú está a
realizar a rodaxe (tras Las chicas del cable e Alta Mar)
da súa terceira ficción para a plataforma internacional Netflix,
popular referente en cinema, documentais e series en streaming.
Estamos
a falar de Jaguar, unha produción ambientada nos anos 60 e
centrada nas pescudas para atopar en España a presenza de centos de
nazis refuxiados da Segunda Guerra Mundial. A serie, que se vai
rodar nunha manchea de localizacións conta cun reparto encabezado
por Blanca Suárez no papel de Isabel Garrido, á que se unen Iván
Marcos, Francesc Garrido, Adrián Lastra e Óscar Casas.
Na
serie, Isabel Garrido (Blanca Suárez), unha moza española que
logrou sobrevivir ao campo de exterminio de Mauthausen, está tras a
pista de Skorzeny, coñecido como o home máis perigoso de Europa.
Segundo se adiante no argumento, Isabel descubrirá que non está soa
na súa misión e unirase a un grupo de axentes en busca de xustiza.
O seu nome en clave: Jaguar.
A
serie está dirixida por Carlos Sedes e Jacobo Martínez, e é unha
creación de Ramón Campos e Xema R. Neira, quen participan do equipo
de guionistas, xunto con David Orea, Salvador S. Molina, e Moisés
Gómez. Ramón Campos afirmou que “Jaguar é o meu proxecto
máis persoal dos últimos anos, e non se me ocorre mellor compañeiro
de viaxe que Netflix, con quen estou feliz de emprender esta nova
andaina tras a experiencia de Las chicas del cable”.