Ballmer anuncia o lanzamento público da versión de proba de Windows 7
xoves, 8 de xaneiro do 2009
Steve
Ballmer deu un discurso para abrir o International Electronic Show (CES)
de Las Vegas, nun evento no que anunciou a dispoñibilidade da versión de proba
de Windows 7, que xa a poden
descargar hoxe os subscritores de MSDN e Technet, mentres que o resto de
usuarios a teremos dispoñible este venres, o que permitirá botar unha ollada ao
futuro sistema operativo de Microsoft, que finalmente non
estará dispoñible antes da vindeira campaña de Nadal, insistindo
dende Microsoft que continúan a ter planificado o seu lanzamento para primeiros
de 2010.
Tamén se anunciou a publicación global de Windows Live, paquete de
aplicacións que xunta aplicacións moi útiles para relacionarse e compartir
contidos na Internet, coma son o Messenger, Photo Gallery, Mail, Writer,
Toolbar, Family Safety e Movie Maker beta. Estas aplicacións se adaptarán en
breve para permitir a publicación de contidos en Facebook, atendendo asà á
demanda dos usuarios, que cada dÃa se relacionan máis neste tipo de plataformas
sociais.
Robbie Bach, presidente da División de Dispositivos e Lecer de Microsoft,
compartiu escenario con Ballmer para destacar os avances da súa empresa en
levar o lecer electrónico a calquera pantalla que os consumidores empregan
habitualmente coma o PC, o televisor e o móbil, o que se notou especialmente a
través da Nova Experiencia Xbox, que entre outras cousas permite o aluguer de series
de televisión e pelÃculas (incluso en alta definición) dende a Xbox 360, consola que xa colocou 28 millóns
de unidades no mercado e conta con 17 millóns de usuarios en liña activos, o
que a sitúa nunha posición lÃder neste ámbito.
