Balidea dá forma ao sistema de xestión de expedientes dos Servizos Sociais de Terrassa
martes, 21 de xuño do 2016
A empresa galega Balidea,
centrada no sector das TecnoloxÃas da Información e a Comunicación
(TIC) achegando servizos de desenvolvemento e integración de
software, vén de ser elixida polo Ajuntament
de Terrassa para levar
a cabo a evolución do sistema de xestión de expedientes da súa
área de Servizos Sociais, un novo proxecto para a axilización e
mellora da eficiencia na xestión administrativa de institucións
públicas.
Máis polo miúdo, a
través deste servizo Balidea dálle soporte a máis de trinta
procedementos municipais e aos procesos auxiliares involucrados na
súa xestión.
O proxecto abrangue ademais varios desenvolvementos
encamiñados a integrar o sistema de xestión de expedientes da área
de Servizos Sociais con diferentes plataformas externas, como pode
ser a Administració Oberta de
Catalunya, a través do portal de transmisión telemática de
datos Via Oberta.
A finalidade, en palabras de Balidea é “camiñar cara a
dixitalización xeral dos procedementos administrativos do Ajuntament
de Terrassa e a interoperabilidade entre as institucións catalás,
para o intercambio da información precisa sobre os usuarios dos
servizos sen necesidade de repetir trámites. Asemade, este proxecto
implicou a migración dos datos de expedientes do Servizo de Axuda a
Domicilio Municipal (SSAD) aos sistemas actuais e o desenvolvemento
de determinados procesos necesarios para a súa correcta xestión e a
plena garantÃa do cumprimento da lexislación vixente en materia de
protección e privacidade de datos.