AvalÃan o desenvolvemento do hub galego de innovación dixital DIHGIGAL
mércores, 23 de xuño do 2021
O vicepresidente económico e conselleiro de EconomÃa,
Empresa e Innovación, Francisco
Conde, mantivo esta tarde unha reunión co Hub de innovación dixital DIHGIGAL
co obxectivo de avanzar no desenvolvemento desta iniciativa articulada ao redor
de catro cadeas de valor, como son Ceaga (automoción), Aclunaga (naval),
Clusaga (industria alimentaria) e Cluster TIC Galicia.
Tamén forman parte deste hub o Centro de Supercomputación de
Galicia (Cesga) e as universidades da Coruña e Vigo, asà como o Instituto
Tecnolóxico de Galicia (ITG) e a firma de consultorÃa tecnolóxica Inova Labs. O
seu obxectivo é apoiar ás empresas nos seus procesos de transformación dixital
para ser máis innovadoras e gañar tamaño no mercado.
Durante o encontro, Conde trasladou que a Xunta está
comprometida coa consolidación dos Hubs de innovación dixital, un instrumento
de colaboración público-privada fundamental para artellar a I+D+i nas pemes a
través do que se pretende estender o impacto positivo da innovación a todo o
tecido e converter Galicia nun referente tecnolóxico naquelas áreas con
potencial. De feito, desde a Xunta xa se levan destinados 28,8 millóns de euros
desde 2019 á Estratexia dos Hubs de Innovación Dixital con medidas para
promover a súa carteira de servizos e a súa actividade.
Destaca, por exemplo, a vindeira convocatoria de Conecta
Covid, que destinará 4 millóns de euros para avanzar en proxectos de I+D
empresarial relacionados coa COVID-19 e que contará coa colaboración dos hubs á
hora de axustar os apoios ás necesidades reais do tecido galego.