As voces máis sobranceiras da Internet estatal daranse cita no CIP
martes, 29 de marzo do 2022
O
Carballo Interplay, o
certame de contidos dixitais da vila bergantiñá, será novamente
unha cita obrigada coa creatividade máis innovadora, referencial e
comprometida. A organización do festival (Concello de Carballo e
Interplay Producións) ofrecerá, do 6 ao 9 de abril, “unha coidada
escolma das voces máis potentes da cultura, o activismo e o humor da
Internet estatal”.
Unha
ferramenta para mellorar o mundo
Este
ano o festival galego pon o foco nos proxectos que empregan a Rede
como unha ferramenta para mellorar o mundo e sobre todo aquelas
propostas que apoian a cultura e o activismo e fomentan conversas
sobre a saúde mental, a igualdade en todos os ámbitos e a xustiza
social.
Ademais,
a súa Sección Oficial selecciona 16 das mellores series web do
mundo, o seu programa profesional reúne ás principais produtoras de
podcast estatais e a gravación do programa Petiscos no Derby
propicia o encontro entre coñecidos rostros e voces da cultura
dixital galega coma Prado Rúa, Esther Estévez, Olaxonmario, Tamara
Pazos e Berto.
Gen
Playz en directo
Un
dos pratos fortes será a gravación en directo do programa Gen
Playz, de RTVE, que terá lugar o xoves 7 de abril ás 20h00 no
Mercado de Abastos de Carballo. Gen Playz, premiado como
mellor programa de entretemento nos Premios Ondas 2021, emitirá un
programa especial dende Carballo, presentado por Inés Hernand. Os
invitados e invitadas serán caras coñecidas polo público e contará
con actuacións musicais, así como co seu habitual espazo de debate
para tratar temas sociais de gran interese para a xente nova.
Tardeo,
de Radio Primavera Sound
Para
quen prefira o formato podcast, un día despois, o venres 8 ás 20h
realizarase a gravación de Tardeo, de Radio Primavera Sound. Neste
programa, un clásico xa do sonoro catalán, a politóloga e
xornalista cultural Andrea Gumes reúne a colaboradoras especialistas
en cine, series, feminismos, astroloxía, alimentación, libros,
cómics, racismo, menstruación, sexualidade, tendencias, videoxogos,
vivenda digna, saúde mental, en definitiva, as principais temáticas
actuais das novas xeracións.
A
organización do Carballo Interplay fai saber ademais que Gumes non
será “a única representante de Radio Primavera Sound no
festival”, xa que Marta Salicrú, a súa directora, estará a cargo
da Sesión Vermú que se organizará o sábado 9 ás 13h00.
Rajando
con Ana Plo e Asaari Bibang
Xusto
despois, o mesmo venres 8 ás 22:30, chega o Rajando con…,
contando coa presenza de Ana
Polo e Asaari Bibang, dúas das principais cómicas do momento, que
chegan a Carballo con intención de conquistar ao público co seu
habitual humor reivindicativo que non “deixará títere con
cabeza”, sinalan dende a organización do CIP, engadindo que Ana
Polo é xornalista e traballou en varios programas de RTVE, Rac 1 e
Cataluña Ràdio. Tamén foi colaboradora e guionista de No te
metas en política e actualmente pódese atopar no podcast Oye
Polo de Radio Primavera Sound e en Feministic, un programa
divulgativo sobre feminismo en clave de humor de Fibracat TV.
Pola
súa parte, Asaari Bibang é unha actriz e cómica de Guinea
Ecuatorial afincada en España. Participou na Riot Comedy, o
proxecto feminista da cómica Penny Jay, no festival de humor
feminista Coñumor e en programas como La Resistencia, Las
que faltaban ou Comedy Central. En 2021 presentou o seu
espectáculo afrofeminista Humor Negra e ademais colabora con
Pikara Magazine e con El País.
Activismo
e feminismo
Un
ano máis, o Carballo Interplay quere poñer o foco no traballo das
persoas que utilizan a rede para ensinar outras realidades ou facer
do mundo online “un espazo máis habitábel dende o humor, a
divulgación e a arte”. Este ano virán a falar do tema Nerea Pérez
de las Heras, Eugenia Tenenbaum e Ana Polo.
Nerea
Pérez de las Heras é coñecida polo seu traballo como xornalista e
dramaturga. Leva anos facendo humor político a través de
Feminismo para torpes e o podcast Saldremos mejores, no
que participa con Inés Hernand. Ademáis, escribiu para medios como
El País, SModa, Mujer hoy, Vogue, Esquire, Marie Claire e Glamour.
Eugenia
Tenenbaum é unha historiadora da arte especializada nos estudos de
xénero. Traballa como divulgadora cultural, creando contido en redes
sociais no que combina arte, perspectiva de xénero, feminismo e
crítica social.
CFA
con Elizabeth Duval
Unha
das últimas actividades do festival, o sábado 9 ás 19h30, será o
CFA de Elizabeth Duval, Carta a las chicas del 2000. Segundo
explican dende o CIP, un Código Fonte Audiovisual é “un formato
híbrido entre conferencia e proxección no que se convida a un
curator a que seleccione e comente fragmentos de obras
audiovisuais que marcasen a súa cultura e a súa forma de entender o
mundo”.
Para
iso, nesta edición seleccionouse a Elizabeth Duval, graduada en
Filosofía e Filoloxía francesa pola Universidade da Sorbona, adeais
de escritora e columnista en medios como Público. Debutou no
panorama literario coa memoria Reina e o libro de poemas
Excepción. Tras a publicación do ensaio Después de lo
trans, a súa última obra publicada é a novela Madrid será
la tumba.
O
festival rematará coa súa xa habitual Entrega de premios, na que se
dirá quen son as gañadoras do certame de series e o concurso de
proxectos de serie web en galego. Este ano a gala será presentada
por Jorge Boquete e Óscar Cruz, da productora Porco Bravú, que
traen A desfeita!, un late night con invitados
excepcionais e moito humor no que farán un percorrido a través dos
nove anos que se leva celebrando o festival. Berto DJ Set encargarase
de darlle música á sesión de despedida.