As vendas de videoxogos de firmas estatais medraron nun 31%
mércores, 15 de xullo do 2015
- Presentación do libro branco dos datos de 2014 presentado os dÃas pasados
A Asociación Española
de Empresas Produtoras e Desenvolvedoras de Videoxogos e Software de
Entretemento (DEV) vén
de presentar as liñas xerais do seu Libro Branco do
desenvolvemento español de videoxogos Edición 2015. O
estudo, no que participaron máis de 200 empresas do sector, amosa os
principais datos da industria do videoxogo en España, complementando
esta información con suxestións sobre como deberan actuar as
institucións públicas de face a fomentar aÃnda máis o medre do
sector. Nun plano máis concreto, dise no informe que
a industria foi quen de incrementar a súa facturación nun 31% ao
longo do ano pasado, situándose nuns 413 millóns de euros.
Ademais, sinálase que xa hai 400 empresas rexistradas e que o
emprego incrementouse nun 28% con respecto a 2013.
O informe, baseado en
enquisas feitas no mes de maio, sinala que en 2014 puxéronse en
marcha 70 novas empresas, o que sitúa a España en primeiro lugar da
listaxe europea en número de estudios de lecer dixital. Tamén se
informa que o 96% das empresas ten menos de 50 empregados, e na
metade delas a cifra de traballadores está por baixo do cinco. Por
territorios, cinco comunidades concentran o 80% dos estudios; a
metade atópase en Madrid (25%) e Cataluña (24%), seguida de
Valencia, co 14%, AndalucÃa e Euskadi.
