As teorÃas da conspiración seguen a traer de cabeza a X/Twitter
mércores, 29 de novembro do 2023
Pese á visita de
Elon Musk a Israel para manter un
encontro con Benjamin Netanyahu e asà acalar as acusacións de antisemitismo,
a crise de reputación de X/Twitter está lonxe de resolverse, en boa medida
porque o propio Musk é incapaz de deixar de publicar mensaxes polémicas, como un
meme no que se apoia a teorÃa da conspiración do Pizzagate,
demostrada como falsa e que chegou a provocar serios problemas no mundo real
(en 2016 un home armado provocou un altercado nunha pizzerÃa ao crer esas
falsidades, e rematou
sentenciado a 4 anos de cadea).
Como mostra da mala posición que ten actualmente X/Twitter veñen de dar conta
de que os grandes estudios cinematográficos están a reducir considerablemente a
súa actividade na plataforma, até manter en
silencio as súas contas, no que semella unha medida para evitar que se
asocie as súas marcas a discursos de odio e teorÃas da conspiración.
As contas de Marvel Studios, Star Wars, Warner Bros. Pictures, Disney, HBO,
Lionsgate, Universal Pictures e outras máis cesaron
as súas comunicacións dende que Musk apoiou unha teorÃa da conspiración antisemita,
pese a que nos dÃas de silencio algunha das marcas realizaron importantes
estreas e mantiveron a súa actividade noutras plataformas. De proliferar este
xeito de actuar por parte das marcas terÃa un impacto semellante ao da
cancelación das campañas publicitarias, xa que unha plataforma social sen
contidos perde o interese rapidamente.