As novas canles da comunicación, a debate na xuntanza de Xornalismo Dixital de Huesca

O VIII Congreso de Xornalismo Dixital, que terá lugar en Huesca nos vindeiros días 1 e 2 de marzo, ten previstas unha serie de actividades complementarias, entre as que destacan os obradoiros do reporteiro Enrique Meneses, o 28 de febreiro e o da fotoxornalista Samantha Appleton, o 3 de marzo. Ámbolos dous terán lugar no Centro Cultural de Ibercaja, no Palacio de Villahermosa en Huesca entre as 10,00 e as 14,00 horas. Mentres o obradoiro do reporteiro dispón de 20 prazas, no de Appleton, o número limítanse a 15 e o prezo por participar é de 150 euros.
Na oitava edición deste congreso, que organiza a Asociación de Prensa de Aragón e o Concello de Huesca, trataranse, entre outros, o tema do Deseño na prensa dixital, Fotoxornalismo na era de Internet, Internet para pantallas pequenas ou Cidadanía 3.0, identidade de dominio público.