As descargas ilegais triplicaron en 2009 ás de consumo dixital legal
martes, 1 de xuño do 2010
Segundo datos extraídos do último Observatorio de piratería e hábitos de
consumo de contidos dixitais, elaborado por IDC para a Coalición de
Creadores de Industrias e Contidos, de cada catro discos, películas, libros e
videoxogos que os españois consumimos durante a segunda metade de 2009, “algo máis de tres (o 76 por cento do total)
eran piratas”.
Este organismo agrupa a entidades
como a SGAE ou Cedro, que defenden os dereitos dos autores das súas respectivas
industrias, e que se viron palidecer ao comprobar que, segundo o estudo, “os contidos dixitais pirateados teñen un
valor de mercado de 5.121 millóns de euros” só para o segundo semestre do
último ano.
Estas cifras fan que o recadado de
maneira legal pola industria dos contidos dixitais sexa irrisoria, xa que tan
só chegan aos 1.653 millóns de euros.
Podemos dicir pois que, segundo apunta o
estudo, de media só 5 de cada 100 cancións que pode haber en calquera ordenador
español foron obtidas pagando, o que se deduce que proceden de fontes non
reguladas.
Antonio Guisasola, presidente de
Promusicae, falou para o xornal dixital El País sobre
este estudo e indicou que “fan falta
medidas urxentes”, ao tempo que insistía na “blandura” da Ley de Economía Sostible, en cuxa Disposición final
segunda será regulado o peche das webs de descarga.
Pola súa parte, dende o Ministerio de
Cultura foron máis cautos valorando o informe e aseguraron que “o problema é serio” porén insistiron en
que é necesaria “unha estratexia
combinada para formentar a oferta legal”.
