As apps, os drons e a saúde impulsan os once proxectos que pasan á aceleración en ViaGalicia
xoves, 27 de febreiro do 2020
Novamente
a presenza de firmas do ámbito tecnolóxico é un dos puntos máis
destacábeis da aceleradora ViaGalicia,
que seleccionou onte
as once mellores propostas que, ao abeiro da súa sexta convocatoria,
entran en fase aceleración: un treito do camiño onde poderán
perfeccionar os seus modelos de negocio e adquirir financiamento.
Das once iniciativas, seis proveñen da área de Vigo e cinco de
Lugo. Delas valorouse a súa capacidade de achegar valor engadido ao
tecido empresarial galego e máis a solidez e o equilibrio dos seus
equipos, amais da súa potencialidade para ser quen de atraer
investimentos.
Como
empresas de base tecnolóxica elixiuse a: Anduriña 25,
startup do sector aeronáutico que está a desenvolver unha
aeronave hÃbrida que pode despegar verticalmente e que ten gran
autonomÃa e capacidade de carga; NavNaval, empresa que
ofrecerá un servizo de comunicación e certificación para o ámbito
marÃtimo consistente nunha plataforma de servizos de inspección,
certificación naval e rastrexabilidade de datos baseada en drons,
blockchain (cadea de bloques) e Intelixencia Artificial; e
Alice Biometrics, spin-off que desenvolveu unha
aplicación para a verificación de identidade en liña segura.
Tamén
pasan á fase aceleración Frankie the King, que ofrece ao
mercado un sistema para recibir a domicilio comida cociñada para
cans cun plan nutricional adaptado, The Painter’s wife,
unha marca de roupa e accesorios de calidade premium, Tappear,
unha aplicación especÃfica para os bares de tapas; Versos da
Ruda, sobremesas galegas caseiras en tarros de cristal dirixidos
á canle Horeca, e SangrÃa Republic, que elabora sangrÃa con
receitas patentadas, en formato lata, espumosa e craft.
Dentro
do sector saúde e das novas tecnoloxÃas, seleccionouse a Envita
unha plataforma online que permite recompilar a historia de
vida, fotografÃas e desexos das persoas maiores, apoiando o
envellecemento activo, e a Mami Me Mima, firma adicada
aos accesorios de puericultura fabricados con materiais naturais.
O
comité técnico, formado por expertos de ViaGalicia, foi o encargado
de seleccionar a estes mellores proxectos que pasan agora á fase de
aceleración na que, durante un perÃodo de seis meses, no Centro de
Negocios do Parque Empresarial Porto do Molle (Nigrán), contarán co
apoio dun experto equipo de titores e mentores para axudarlles a
consolidar as súas iniciativas empresariais. Ademais, cada proxecto
recibirá o financiamento que necesite segundo as súas necesidades
nesta fase, até 125.000 euros de financiamento a cada proxecto.
A
sexta edición finalizará coa celebración do Investors Day, xornada
na que defenderán os seus proxectos fronte a empresas, colaboradores
e fondos de investimento externos.