As TIC para impulsar o noso negocio centran unha xornada online da Cámara de Santiago

Ao abeiro do Programa TICCámaras, a Cámara de Santiago organiza este 21 de decembro, entre as 10.00 e as 11.15 horas, unha xornada sobre como facer voar a nosa empresa botando da man das novas tecnoloxías. O evento Mellora da produtividade e a competitividade mediante a implantación de ferramentas TIC (Tecnoloxías da Información e a Comunicación) vén con formato en liña e diríxese a mostrar os detalles da nova convocatoria de Axudas do Programa TICCámaras 2022. Ademais, analizarase o uso destas axudas especialmente acaidas para aumentar a rendibilidade dos nosos negocios.
Os contidos, logo da presentación institucional, serán impartidos por Anselmo Díaz Romero, responsábel do Programa TICCámaras, e por Manuel Nieto García, director executivo de DST Software.