As Notas de Instagram chegan a Europa
luns, 30 de xaneiro do 2023
O pasado mes de
decembro Instagram
anunciou que estaba a lanzar unha nova funcionalidade chamada Notas, que
consiste en publicacións de até 60 caracteres (texto e emoticonas) que podemos
publicar e serán visibles na parte superior da nova bandexa de entrada de
mensaxes privadas e manteranse visibles para os nosos seareiros e achegados
durante 24 horas. Podemos velo como un xeito máis discreto das historias, sendo
posible que os nosos seareiros respondan a estas Notas mediante mensaxes
directas.
Pero como este tipo de prestacións afectan á comunicación, o que pode ter repercusións
legais, non se activou simultaneamente en todo o mundo, e agora Adam Mosseri de
Instagram anuncia que as Notas chegan a Europa e Xapón, convidando aos
usuarios a probar esta prestación e comentar o que lles parece.
A activación comezou hoxe mesmo, pero pode tardar até un par de dÃas en chegar
a todos os usuarios europeos e nipóns.