As Illas Atlánticas reivindican os seus tesouros nunha experiencia interactiva de realidade virtual
luns, 17 de xullo do 2023
A
Xunta colabora nunha experiencia interactiva a través da cal os
visitantes do Parque Nacional marÃtimo-terrestre das Illas
Atlánticas de Galicia poderán gozar este verán de paseos virtuais
baixo o mar. Deste xeito, permitiráselles coñecer en profundidade a
fauna e a flora que agochan os fondos deste espazo natural.
A
actividade comezou esta fin de semana na illa de Sálvora (Ribeira),
pero desenvolverase en distintas datas de xullo e agosto nos catro
arquipélagos que integran o parque.
Concretamente,
as persoas interesadas puideron gozar da experiencia O mar en 360º
na illa de Sálvora esta fin de semana; en Ons do 20 ao 23 de xullo e
do 17 ao 20 de agosto; en CÃes do 27 ao 30 de xullo e do 3 ao 6 de
agosto; e en Cortegada do 26 ao 27 de agosto.
Trátase dunha
iniciativa totalmente gratuÃta, pero require de inscrición previa
presencial o mesmo dÃa da visita nas propias casetas informativas do
Parque Nacional.
As
sesións diúrnas están pensadas para grupos de catro persoas ás
que se lles facilitarán gafas de Realidade Virtual ou tabletas para
poder gozar dunha experiencia de inmersión sen necesidade de meterse
na auga.
Ademais,
o paseo virtual irá acompañado dos comentarios dunha especialista
que axudará a interpretar en tempo real as imaxes e achegará
información sobre a riqueza, a biodiversidade e as caracterÃsticas
dos fondos das Illas Atlánticas e a importancia da súa
conservación.
Polo que respecta aos pases nocturnos, a dinámica
será diferente xa que están pensados para proxectar nunha pantalla
instalada no peirao de Rodas ou na propia praia, dependendo das
condicións meteorolóxicas, imaxes submarinas captadas tanto en
directo como en diferido.
A iniciativa, que recibiu unha das
axudas da Xunta para actividades na área de influencia
socioeconómica do Parque Nacional financiadas con fondos Next
Generation, está deseñada pola cooperativa galega 13 graos,
especializada en educación ambiental para a divulgación do medio
mariño e que se encargará de dirixir a actividade.
En canto ás
visitas virtuais, serán posÃbeis grazas ao uso de ROVS (drons
submarinos controlados por operador) capaces de transmitir en tempo
real as imaxes do fondo do mar que van captando ao longo do seu
percorrido, polo que permite que calquera persoa poida achegarse
desde terra firme e de forma minimamente invasiva ás paisaxes e á
biodiversidade dos fondos mariños das Illas Atlánticas.