As Cancelas lanza unha aplicación para iPad e iPhone con toda a información da súa actividade
venres, 5 de abril do 2013
Xa
non vale a máxima de que se non estamos na Internet non existimos.
En realidade, non é que non vala, é que non abonda. Vivimos uns
tempos nos que a Sociedade da Comunicación vai connosco a onde
vaiamos, e, queirámolo ou non, xa
non admitimos de boas a primeiras que as empresas ou entidades que
nos interesan nun intre concreto non nos axuden a atopar información
útil e inmediata sobre elas. O centro comercial As Cancelas,
decididamente, quere estar cos seus clientes nos seus
smartphones,
e faino a través dunha
aplicación para iPad e iPhone, presentada e lanzada este venres,
con tódolos datos relativos á súa actividade como centro comercial
e ás firmas ás que dá acubillo. Achégase, dato a ter en conta, en
castelán e tamén en galego. Esta vontade de apostar pola nosa
lingua amosa un cambio de rumbo na empresa que non podemos deixar de
celebrar, logo
duns primeiros pasos que a dirixían cara a outro rumbo.
A
dita ferramenta, por certo, pode
descargarse na App Store ou na propia
web do complexo comercial compostelán. A idea, en palabras da
dirección de As Cancelas, “é
permitir que os usuarios destes trebellos teñan ao alcance da súa
man as novidades do maior
centro comercial de Santiago de Compostela: eventos e promocións das
súas tendas favoritas e acceso directo ás súas páxinas web;
novas,
calendario e horarios das actividades que programa o centro durante
toda a semana, e toda a información útil sobre o centro comercial,
como os mapas de situación dos diferentes establecementos,
calendario e horarios de apertura, rutas de autobús ata As Cancelas
e outros datos de interese.”
Ademais, a nova app
permite
o acceso directo ás redes sociais do centro para participar nos
numerosos sorteos e concursos que realiza cada semana As Cancelas en
Facebook. Por
certo que para quen use Android, dicirlle que a versión para o seu
trebello estará dispoñíbel, arestora atópase en proceso de
desenvolvemento e, tanto esta modalidade coma as outras, irán
medrando progresivamente en utilidades nos vindeiros meses, co fin de
“facelas
cada vez máis funcionais e prácticas para os clientes”.
Lembrar
que o novo complexo comercial compostelán foi
inaugurado recentemente e é un dos de meirande envergadura da
nosa terra: conta
máis de 50.000 metros cadrados distribuídos en tres andares.
No andar baixo
sitúase un hipermercado Carrefour xunto con outros locais ocupados
por firmas de recoñecido prestixio. O
primeiro andar, informa o centro comercial, acubilla
firmas de moda e complementos e no
segundo encóntranse
oito salas de cine “e
unha ampla e atractiva oferta de locais de ocio e restauración”.
As
Cancelas dispón de 2.150 prazas de aparcadoiro gratuítas e tres
liñas de autobús urbano chegan ata o centro: a C2, a C4 e a C11.