As Adegas Marqués de Vizhoja estrean nova web
xoves, 3 de decembro do 2015
As Adegas Marqués de
Vizhoja (Arbo, Pontevedra) veñen de estrear nova web. O sitio, deseñado e
programado por Xosé Teiga Studio,
salienta en boa medida polo coidado posto no compoñente visual e,
tamén, no labor despregado para converter a páxina nunha páxina de
uso común (estará actualizada de continuo). A nova web tamén
destaca por achegar unha navegación sinxela e intuitiva para
facilitar ao máximo o contacto das adegas coa comunidade internauta.
Achégase, a maiores, un amplo abano de información sobre a empresa
e os seus produtos e sobre a contorna xeográfica na que se empraza
(patrimonio e recursos da zona que, en palabras dos responsábeis da
adega, “son os acenos de identidade da nova web corporativa”).
Un dos obxectivos desta remodelación dixital, segundo nos conta
Jorge Peláez, propietario e director da firma, é conseguir que a
presenza en liña das adegas sirva “non só para comunicar quen
somos e que facemos, senón tamén onde estamos, de onde vimos e cara
a onde queremos ir; unha xanela aberta ao exterior que permita que
cada un dos navegantes coñeza o traballo que realizamos na Moreira,
como coidamos as nosas viñas e como elaboramos os nosos viños, pero
tamén cal é a historia que os muros do noso Pazo A Moreira
atesouran”.
A maiores, búscase que a nosa web poida contribuír como unha
ferramenta máis á divulgación das Rías Baixas, do Condado do Tea
e da cultura vitivinícola.
Como dixemos, os traballos de deseño e programación foron levados a
cabo nos últimos meses polo estudo pontevedrés dirixido por Xosé
Teiga, en colaboración con Roberto Treviño, director fotográfico
da última campaña da adega.