Arranca o Servizo Chave 365
martes, 15 de setembro do 2015
Na
mañá de hoxe presentábanse dúas iniciativas inseridas no Plan de
Administración e Goberno Dixitais 2020, estamos
a falar do proceso de dixitalización das Oficinas de Rexistro e do
Servizo Chave 365. Con estas propostas -expostas este mesmo
martes no Rexistro Xeral da Xunta polo vicepresidente e conselleiro
de Presidencia, Administracións Públicas e Xustiza, Alfonso Rueda,
e a directora da Axencia para a Modernización Tecnolóxica de
Galicia (AMTEGA), Mar Pereira- quérese dar un paso avante cara a tramitación 100% electrónica e facilitar a accesibilidade aos
servizos en liña.
Indo por puntos, o
Servizo Chave 365 (que entra hoxe en funcionamento) simplifica a
xestión telemática coa Administración empregando claves
concertadas vÃa móbil para acceder á sede electrónica. Esta idea
nace coa vontade de mellorar o uso do certificado electrónico e para
evitar que as persoas menos familiarizadas co emprego das novas
tecnoloxÃas fiquen excluÃdas dos servizos electrónicos.
A incorporación de
Chave365 permitirá avanzar cara a sede electrónica móbil,
facilitando o acceso desde dispositivos móbiles ou tabletas a
algunhas funcionalidades, como a consulta do estado dos expedientes
na Carpeta do cidadán. O Chave 365 estará dispoñÃbel de xeito
progresivo no resto das oficinas de Rexistro.
Cómpre salientar
que a tramitación en liña supón un aforro mÃnimo de 75 euros por
solicitude, fronte á modalidade presencial.
Asemade, a AMTEGA,
en colaboración coa Vicepresidencia da Xunta, está a pilotar tamén
no Rexistro Xeral a dixitalización da documentación que achegan os
cidadáns. Este proceso continuará a espallarse de xeito progresivo
no primeiro trimestre de 2016 nos rexistros únicos da Xunta na
Coruña, Ferrol, Lugo, Ourense, Pontevedra e Vigo. O obxectivo é
estender este proceso ás 533 oficinas que integran o Sistema Único
de Rexistro ao longo de 2016.
Unha vez completada
a introdución, calquera documento que entre nestas unidades será
dixitalizado e compulsado electronicamente para conformar o
expediente administrativo dixital, que se almacenará no Arquivo
Dixital de Galicia e eliminar o uso do papel en toda a relación
entre cidadáns, empresa e a administración.