Ares estrea en Galicia a canle en alta definición de TVE
venres, 12 de febreiro do 2010
- Águila Roja é unha das series que poden verse en alta definición
Televisión
Española ampliou o ámbito de probas da súa canle de alta definición (TVE HD) «co
obxectivo de estar na vangarda tecnolóxica do noso país», de xeito que a
Valladolid, Madrid e Zaragoza súmanse
as vilas de La Muela (Zaragoza) e Ares (A Coruña).
As novas emisións, no caso de Ares ocupan o múltiplex 22, anteriormente ocupado
por La 2, e no que actualmente están as emisións en probas de alta definición,
Teledeporte e Radio Nacional de España, que difunde en alta calidade Radio
Clásica. Ao aproveitarse canles analóxicas que quedaron fóra de servizo
evítanse os problemas de antenización para a recepción da nova canles, que
debería comezar a xeneralizarse a partires de abril, de xeito que os Xogos
Olímpicos de Vancouver poderanse seguir este ano en aberto en HD.
A canle TVE HD en probas consiste
nun sinal de vídeo panorámico a 1.080i codificado en H.264/MPEG-4 AVC con son
en Dolby Digital Plus, ocupando a metade do novo múltiplex utilizado
por TVE, de xeito que tería unha compresión aproximada de 10 Mbps, o que
garante unha calidade bastante boa, coma pode apreciarse neste momento nos
contidos que emiten na actualidade entre os que están a serie Águila Roja, a película Rivales e algún documental e reportaxe.