Aprobada a extinción da Fundación TIC para a súa integración na Deputación de Lugo
xoves, 13 de setembro do 2018
O
padroado da Fundación TIC da
Deputación de Lugo aprobou este xoves a extinción da primeira
das entidades para a súa integración na Deputación, logo do acordo
do pleno da institución provincial do do 31 de xullo. Ademais,
acordouse solicitar ao Protectorado de Fundacións de Interese Galego
da Xunta de Galicia que ratifique e publique no DOG a extinción,
pasos precisos para que esta sexa efectiva a 31 de decembro de 2018.
O padroado presidido por Darío Campos Conde tamén aprobou que
comece a operación de liquidación da entidade unha vez publicada a
extinción no DOG.
Campos
Conde dixo que “o Goberno provincial decidiu iniciar o proceso para
integrar a TIC na Deputación dentro da nosa aposta por simplificar
as estruturas burocráticas, evitar duplicidades administrativas,
reducir gasto público e optimizar recursos materiais e humanos”.
Lembrou que estes foron os mesmos criterios aplicados para a
extinción do Inludes e o Pazo de Tor, entidades que tamén dependían
da Deputación.
O
presidente da TIC e da Deputación tamén destacou que “queremos
manter e potenciar un servizo que consideramos moi útil para os
lucenses”. Neste senso, subliñou “o labor da TIC a prol dos
Concellos, das asociacións sen ánimo de lucro, da promoción do uso
das novas tecnoloxías entre os veciños da provincia e do ensino de
calidade a través da Escola de Imaxe e Son”. Ademais de afondar na
simplificación da estrutura da administración, Darío Campos dixo
que “coa posta en marcha de todo este proceso tamén é vontade do
Goberno igualar as condicións laborais dos profesionais da TIC aos
do organismo provincial”.
Acordo
do Pleno da Deputación
O
padroado da TIC foi convocado en canto se recibiu o acordo do pleno
da Corporación provincial do 31 de xullo de 2018, polo que se
aprobou inicialmente, coa abstención do PP, a extinción da
fundación con efectos a 31 de decembro de 2018, e a asunción por
parte da Deputación dos servizos e persoal da TIC. O obxectivo é
que o 1 de xaneiro de 2019 a institución provincial se encargue
directamente das actividades da Fundación TIC e que os seus
profesionais formen parte do seu equipo como persoal subrogado. A
Deputación asumirá, por tanto, a única Escola de Imaxe e Son que
imparte ensinanzas superiores da rama audiovisual na provincia, así
como o apoio e a difusión de actividades desenvolvidas pola propia
Deputación, polos Concellos e polo tecido asociativo sen ánimo de
lucro.