Apple xa é o terceiro fabricante mundial de teléfonos intelixentes

Un estudo de Canalys relativo ó último trimestre de 2007 reflicte que o mercado de teléfonos intelixentes está a medrar de xeito moi importante, cun incremento interanual do 71,9%, pero que cambiou radicalmente por mor da entrada de Apple no mercado, situando o seu iPhone no segundo posto nos EE.UU. e no terceiro a nivel mundial.
Con estes últimos datos o iPhone faise co 28% do mercado estadounidense (e un 6,5% do mercado global), só superado polo Blackberry co 41%. A plataforma Windows Mobile quedou co 21%.