Apple quere que a UE non aplique a Lei de Mercados Dixitais á súa plataforma de mensaxería

Agora que entrou en vigor a Lei de Servizos Dixitais (DSA) a nivel europeo, queda que aconteza o mesmo coa Lei de Mercados Dixitais (DMA), que define uns gardiáns de acceso (grandes plataformas en liña) que deberán atender a medidas de interconexión e transparencia.
Inicialmente está previsto que as compañías que se sometan á nova lexislación sexan Alphabet (Google), Amazon, Apple, ByteDance (TikTok), Meta (Facebook/Instagram), Microsoft e Samsung, pretendéndose que esta relación de empresas se concrete mañá mesmo, de xeito que terían que cumprir coa DMA en marzo de 2024, o que está a algunhas destas empresas a revelarse. Falamos concretamente de Apple e Microsoft, que non comparten a opinión de Bruxelas de ter que someterse ás esixencias da DMA no seu conxunto, e cren que algunhas das súas división non deberían cumprir a nosa lexislación por ter un uso moi reducido da Unión.
Falamos concretamente do servizo de Mensaxes de Apple e do buscador Bing de Microsoft. As súas compañías cren que a súa reducida penetración no mercado europeo serían un bo motivo para que a Unión Europea non os obrigase a cumprir as duras esixencias da DMA.
Que Microsoft non queira que Bing teñan que someterse a tanto control como Google parece razoable (Bing apenas ten un 3% do mercado); pero que Apple sosteña agora que Mensaxes ten poucos usuarios é algo que resulta rechamante, pois a compañía de Cupertino estaría a recoñecer que, pese a que a súa aplicación veña preinstalada en móbiles, tabletas e ordenadores de marca, en Europea os usuarios utilizarían masivamente WhatsApp.
Até o momento Apple non publicou o número de usuarios activos de Mensaxes en Europa, pero o límite establecido pola lexislación europea para non ter que regulalo sería de 45 millóns, e se realmente Apple demostra que o uso da súa plataforma de mensaxería é inferior podería chegar a librarse de facelo interoperable con outras plataformas (o que parecen querer conseguir a toda costa, xa que en mercados como o estadounidense é un elemento crucial para atraer usuarios).