Apple Music estrea unha emisora de Star Wars

Preparándose para a estrea de mañá de El Despertar de la Fuerza, Apple decidiu recibir o novo filme dun xeito curioso, xa que estreou unha emisora de radio en Apple Music que retransmite música da banda sonora das seis películas da saga cinematográfica, contribuíndo así a animar aos usuarios de cara á chegada do novo filme, así como a volver ver as dúas triloxías anteriores, que tamén comercializa Apple a través da súa tenda dixital, onde están dispoñibles de xeito individual ou incluso nun lote con todos os filmes e contidos adicionais, emulando así a edición en formato físico).
Para poder gozar da emisora de radio de Star Wars é preciso ser subscritor de Apple Music, servizo que custa 9,99 euros para usuarios individuais ou 14,99 euros para un grupo de usuarios (subscrición familiar), aínda que en ambos casos é posible gozar do primeiro mes de balde a xeito de proba.