Allariz presenta unha web para fomentar a convivencia e a igualdade
mércores, 25 de novembro do 2020
- Maribel Poisa, Iago Santas, Ana Pérez e Uxía Fernández na presentación da plataforma
O
Concello de Allariz presentou este 25 de novembro, coincidindo coa
celebración da loita mundial contra a violencia de xénero, unha
nova plataforma web para facer avanzar a igualdade e a convivencia a
nivel local e global. O espazo en liña, aloxado na web
municipal, ten a súa orixe na “situación que estamos a vivir coa
COVID-19” e “na necesidade de seguir traballando pola igualdade e
a prevención das violencias”, en palabras da concelleira de
Benestar Social, Maribel
Poisa, que engadiu que se trata dunha “ferramenta para a consulta,
para achegar información, para dar difusión e formación e para
asesorar a toda a veciñanza”. Nela, engadiu, atoparemos
contidos que “nos axuden a vivir, expresarnos, relacionarnos e
conducir a nosa vida dende unha actitude máis compresiva e máis
convivinte”.
A
Plataforma pola Convivencia do Concello de Allariz inclúe contidos
para a convivencia, contidos formativos (obradoiros e podcasts
impartidos por profesionais do socioeducativo, familias, persoal
municipal, tc), contidos de comprensión (libros, libretos e
folletos, un espazo adicado ás referencias bibliográficas sobre
temáticas da e para a convivencia, en diferentes formatos e para
diferentes perfís) e contidos de cultivo (asesoramento sexolóxico
para a mocidade, trátase dun espazo para poder realizar a poboación
máis nova consultas relacionadas coa sexualidade, nun formato que
garante a confidencialidade e o anonimato).