Albert Einstein feito robot
luns, 2 de outubro do 2006Un robot inspirado no popular fÃsico alemán triunfa no NextFest
O NextFest, un evento organizado pola revista norteamericana Wired no Centro de Convencións Javits de New York serve para presentar moitos dos últimos avances tecnolóxicos máis atractivos, destacando especialmente este ano ó Albert Hubo, que é un robot capaz de camiñar como unha persoa pero que destaca polas súas capacidade de expresión facial, tendo inspirado o seu rostro na cara do físico Albert Einstein.
O curioso robot xa ocupara a portada da revista Wired nos pasados meses co gallo dun número dedicado ós robots humanoides, e é que o produto de Hanson Robotics resulta abraiante, pois fai crible a imaxe dos robots humanoides que tanto aparecen nas obras de ciencia ficción e que poderían supor unha revolución no futuro, especialmente para axudar a persoas que non poden valerse soas.
O novo Hubo non só pode amosar expresións faciais, senón que tamén pode identificar ás persoas que ten ó redor grazas a unhas cámaras instaladas nos seus ollos, o que podería servir tamén para atender só ó seu propietario de comercializarse este tipo de dispositivos coma robots axudantes.
Na Internet xa hai clips que nos amosan a expresividade facial do robot, así como da súa capacidade motora: