AGESTIC propón a creación dun departamento único con plenas competencias nas TIC e Internet
luns, 13 de abril do 2009
O presidente de AGESTIC, José María López Bourio, no curso
da presentación da Fundación Tecnología
Social, dedicada á inclusión de persoas con discapacidade nas TIC,
manifestou que a súa organización lle vai esixir ao novo goberno da Xunta de
Galicia, contar cunha única Dirección Xeral con plenas competencias na
Sociedade da Información, infraestructuras, cidadanía dixital, e-administración,
telecentros…, reunínodoas nun único organismo que “fixe o rumbo coa colaboración e a opinión do sector”.
Neste senso, López Bourio tamén anunciou a
intención da asociación que preside de conseguir a universalización do servizo
de acceso a Internet de alta velocidade en toda a xeografía galega, esixindo
así o cumprimento das disposicións do PEBA canto antes.
Por último, o presidente de AGESTIC fixo
pública a súa vontade de reclamarlle ao goberno de Feijoo, “o estímulo da demanda en torno a Internet e
ás tecnoloxías da información”, é
dicir, o desenvolvemento de campañas de información no uso das novas
tecnoloxías dirixidas á cidadanía en xeral e aos pequenos empresarios en
particular, “como unha resposta eficaz
ante a crise”.
José María López Bourio insistiu en que o novo
Goberno da Xunta de Galicia (que toma posesión nestes días) “ten a obriga de considerar o uso das TIC
como un dereito xeralizado e poñelo na primeira fila dos seus obxectivos
prioritarios”.