Aerocamaras lanza un completo software de xestión para a industria dos UAV
luns, 24 de xaneiro do 2022
Aerocamaras,
empresa galega centrada na formación, no deseño e a construción de
drons, vén de desenvolver un software pioneiro de xestión
aeronáutica á medida das necesidades da industria UAV (vehículos
aéreos non tripulados polas súas siglas en inglés). Trátase
de AERONET, unha plataforma que aspira á dirección integral dos
procesos e a adopción global deste tipo de aparellos, tanto por
parte de pemes como polas grandes operadoras que operan con esta
tecnoloxía.
Esta
nova ferramenta permite xestionar operacións, pilotos, aeronaves,
autorizacións de misións, seguros, documentación da operadora,
mantemento de drons ou o inventario da empresa, entre outras
funcionalidades, todo dentro dun repositorio de arquivos na nube.
Aerocamaras
engade que se trata dunha solución holística de xestión cun amplo
abano de posibilidades (conectividade, seguimento, monitoraxe,
rastrexabilidade dos datos), que chega ao mercado “para converterse
nun elemento imprescindíbel dentro do equipamento dos profesionais
especializados, como a plataforma aérea ou a sensórica embarcada”.
En última instancia, engade a empresa galega, todas as
funcionalidades comparten o obxectivo de “repercutir directamente
nunha mellora da toma de decisións comerciais e a optimización de
custos e tempo”.
O
lanzamento de AERONET, explican dende Aerocamaras, “está
especificamente deseñado para aumentar a produtividade, reducindo
con moita marxe o tempo requirido para planificar con alta calidade
as fases de pre-voo e post-voo”. Con ela, “os
usuarios poderán consultar o estado das súas aeronaves en tempo
real, xestionar a misión a nivel documental e operativo, así como
resolver calquera outra incidencia con axilidade e rapidez”.
AERONET,
a través dunha usabilidade sinxela e intuitiva, ofrece unha contorna
segura para aumentar a capacidade de organización dos operadores de
drons. “Ao tratarse dun sistema dinámico e en constante
interacción cos usuarios da plataforma, Aerocamaras pretende engadir
módulos de actualización con novas funcionalidades proximamente,
así como migrar á contorna das aplicacións móbiles”, engade a
firma aeronáutica.