Adamo leva Internet de alta velocidade a 10.500 fogares de Foz e patrocina ao club de fútbol local
venres, 9 de abril do 2021
- Beatriz Higueras, de Adamo, e Jose María García Rivera, presidente do Club Deportivo Foz
Adamo
vén de facer balance dos seus traballos despregados no concello de
Foz para dotar a fogares e empresas de Internet de alta velocidade.
No seu reconto a operadora fai saber que, logo dos labores
desenvolvidos recentemente nos núcleos de Fazouro, Nois, Cangas de
Foz e Cordido, até 10.500 vivendas do termo municipal mariñán
contan xa con conexión de última xeración. Adamo indica que con
estas incorporacións queda cuberto o conxunto de localidades do
concello fozense.
- David Llano (Adamo) e Francisco Cajoto (alcalde de Foz)
Os
traballos encádranse na ampla axenda de traballo de Adamo na
provincia, onde está a fornecer (en concellos como Begonte, Cervo, A
Fonsagrada, Barreiros ou a vila de Celeiro) o que en palabras da
compañía “é a fibra óptica máis rápida que existe hoxe en día
no mercado, de 1.000 Mbps”. En total, a tecnoloxía de Adamo está
xa dispoñíbel para 50.000 domicilios e empresas da provincia.
Patrocinador do Club Deportivo Foz
Alén
do despregue de fibra, a empresa apoia economicamente ao equipo de
fútbol do municipio, ao que se atopan vencelladas máis de 300
familias e que milita na liga Preferente de Galicia. En virtude do
acordo asinado co seu presidente, José María García Rivero, a
compañía tamén ofrece aos futbolistas Internet gratis en casa
durante 4 meses ao contratar paquetes cunha liña móbil de 23, 50 ou
80 GB (a oferta quedaría en 3 meses con 9 GB) e cheques agasallo de
Amazon por importe de 25 euros.
Máis
de 76.500 domicilios en Lugo
Adamo
tamén deu a coñecer que instalará Internet de alta velocidade para
dar servizo a 26.530 inmóbeis da provincia ao longo de 2021 e 2022.
Sumados ás 50.000 actuais, Adamo alcanzará un total que pasa as
76.500 vivendas na súa rede lucense durante os próximos dous anos.