Ábrese o prazo de solicitude de axudas para a compra de ordenadores por parte de traballadores autónomos

Os traballadores autónomos galegos poderán pedir a partir deste xoves axudas para a adquisición de equipos informáticos que contarán con ferramentas ofimáticas de Software Libre de xeito gratuíto.
Esta subvención convocada pola Dirección Xeral de Promoción Industrial e da Sociedade da Información da Consellaría de Innovación e Industria vai dirixida a traballadores dados de alta no Réxime Especial da Seguridade Social, con domicilio e alta fiscal no IAE para a súa actividade en Galicia (agás comerciais retallistas, que xa contan con liñas de axuda específicas) e acadará o 45% do investimento cun máximo de 350 euros por solicitante, quen deberá achegar copia do DNI ou NIE, copia do documento de pagamento mensual á Seguridade Social do Réxime Especial de Traballadores Autónomos (do mes anterior á solicitude), e declaración do epígrafe do IAE e localidade da Comunidade Autónoma de Galicia na que se atopa dado de alta no IAE.
A axuda pódese solicitar dende o 9 de outubro de 2008, permanecendo vixente durante 2009 ata esgotarse os 659.400 euros consignados para 2008 e os 999.950 euros consignados para 2009.
As entidades colaboradoras das Axudas TIC Autónomos, nas que se poden adquirir os equipos informáticos suxeitos a subvención son as seguintes: